🚨🐖 ගොවිපොළ 48ක් පරීක්ෂා කිරීමේදී අප්‍රිකානු සූකර උණ රෝගකාරක හමුවෙයි!

 

🚨🐖 ගොවිපොළ 48ක් පරීක්ෂා කිරීමේදී අප්‍රිකානු සූකර උණ රෝගකාරක හමුවෙයි!

🇱🇰 ශ්‍රී ලංකාවේ දිස්ත්‍රික්ක කිහිපයක සූකර ගොවිපොළවලින් අප්‍රිකානු සූකර උණ (African Swine Fever) රෝගය සම්බන්ධයෙන් යළිත් අනාවරණයක් සිදු වී තිබෙනවා.

සත්ත්ව නිෂ්පාදන හා සෞඛ්‍ය දෙපාර්තමේන්තුවේ ප්‍රධාන වසංගත රෝග විශේෂඥ වෛද්‍ය ප්‍රදීප් කුමාරවඩු මහතා සඳහන් කර ඇත්තේ, දිස්ත්‍රික්ක 6ක ගොවිපොළ 48ක් පරීක්ෂා කිරීමේදී මෙම රෝගකාරකය හඳුනාගත් බවයි.

📍 පරීක්ෂා කළ දිස්ත්‍රික්ක: 🔹 කොළඹ 🔹 ගම්පහ 🔹 කළුතර 🔹 අනුරාධපුර 🔹 මහනුවර 🔹 පුත්තලම

🔬 අදාළ ගොවිපොළවල සූකරයන් 1,200කට ආසන්න සංඛ්‍යාවක් පරීක්ෂා කර තිබෙනවා. බොහෝ ගොවිපොළවලින් රෝගකාරකය හඳුනාගත් බවද වාර්තා වනවා.

⚠️ ගොවීන්ට විශේෂ දැනුම්දීමක්! වෛරසය පැතිරීම පාලනය කිරීම සඳහා අදාළ බලධාරීන් ලබාදී ඇති ජෛව ආරක්ෂණ උපදෙස් පිළිපදින ලෙසත්, සතුන්ගේ අපද්‍රව්‍ය නිසි ක්‍රමවේද අනුව බැහැර කරන ලෙසත් ගොවීන්ගෙන් ඉල්ලා තිබෙනවා.

📢 වැදගත්: අප්‍රිකානු සූකර උණ යනු සූකරයන්ට බලපාන රෝගයක් වන අතර, එය මිනිසුන්ට ආසාදනය වන රෝගයක් නොවේ.

📺 සියදෙස TV ලොවම ඔබේ දෑස් ඉදිරියේ!